Sunday, November 30, 2014

USB Dongle එකක් UNLOCK කරන්නේ කොහොමද ?

USB Dongle එකක් UNLOCK කරන්නේ කොහොමද ?
         
            හැමෝම මගෙන් වැඩිපුරම අහන දෙයක් ගැන අද කියල දෙන්න හිතුවා. මගේ පරිගණක රහස් ෆේස්බුක් පිටුවෙත් ගොඩක්ම වෙලාවට ඇහෙන ප්‍රශ්නයක් තමයි මේක. සමහර අය විසඳුම් දුන්නත් මම පරික්ෂා කරලා බලල තියෙනවා බහුතරයක්ම සාර්ථක නෑ. අද මම ඇත්තටම සාර්ථක ක්‍රමයක් කියල දෙන්නම්. මේක සාර්ථකයි කියන්නේ මම ඇත්තටම කරලා බලපු නිසා. අපි භාවිතා කරන ඩොන්ගල් වර්ග කීපයක්ම තියෙනවා. ඒ අතරින් මම මුලින්ම මම භාවිතා කරන වර්ගයම ගන්නම්. මට තියෙන්නේ Huawei e303කියන වර්ගයේ එකක්. මේක මම අන්ලොක් කරගන්න ක්‍රමයක් හොයා ගන්න ගොඩක් මහන්සි උනා. අන්තිමට සාර්ථක ක්‍රමයක් හොයා ගත්තා. ඒ වගේම මේකත් කියන්න ඕන. මම කියල දෙන ක්‍රමය මුලින්ම මම හොයාගත්ත එකක් නෙවෙයි. ඒත් හැමදේම එකතැනකට ගෙන්න ඕන කියල හිතුන නිසා වැඩිපුරම භාවිත වෙන වර්ග කීපයක් සඳහා විසඳුම් මම ලියන්න හිතුවා.
              ගොඩක් අය ළඟ තියෙනවා IMEI අංකය දීල ඩොන්ගල් එකේ Unlock Code එක හොයා ගන්න පුළුවන් ක්‍රම. ඒත් දැන් තියෙන සමහර ඩොන්ගල් වලට ඒ ක්‍රමය සාර්ථක නෑ. මටත් උනේ ඒකම තමයි. ඒත් අත්හදා බැලීම් වලට මේකත් ඕන වෙනවා. මම භාවිත කරපු සොෆ්ට්වෙයාර් දෙකක් තමයි මේ තියෙන්නේ 


              මේ දෙකත් ගොඩක් වර්ග වලට වැඩ කරනවා. මේකෙන් දෙන්නේ සාමාන්‍ය විදියටම Unlock Code එකක් සහ Flash Code එකක්. ඒත් දැනට අලුතෙන් එන ඩොන්ගල් වර්ග වල මිට වඩා වෙනස් ක්‍රමයක් තියෙනවා ඇත්තටම මේ  Code එක අපේ උපාංගයට අදාල IMEI අංකය භාවිතා කරලා හදාගන්න අංකයක්. ඒත් සාමාන්‍යයෙන් භාවිත කරන පැරණි ක්‍රමයේ Algorithm එකෙන් ලබාදෙන Code එකට වැඩිය අලුත් Algorithm තියෙනවා. එය හඳුන්වන්නේත් New Algorithm Unlock Code කියලමයි. අනිත් සොෆ්ට්වෙයාර් වගේ මේකටනම් තාම අපේ පරිගණකයේ තියාගෙන භාවිතා කරන්න පුළුවන් සොෆ්ට්වෙයාර් එකක් මට හොයා ගන්න බැරි උනා. ඒත් ඒක කරගන්න ක්‍රමයක් මට හොයා ගන්න පුළුවන් උනා. මේකට අපිට අවශ්‍ය කරන්නේ ක්‍රියාකාරී ජීමේල් ගිණුමක්. ඒ වගේම එක ජීමේල් ගිණුමකින් වාර 10 ක් දක්වා අපට අලුත් Unlock Code ලබා ගැනීමේ හැකියාව තියෙනවා. ඊට වැඩිය ඕනනම් ඉතින් කරන්න ඕන දේ මම අමුතුවෙන් කියන්න ඕන නෑ. මෙන්න මේක තමයි ලින්ක් එක 


 මේ පිටුවට ගියාම මෙන්න මේ වගේ කොටසක් පේනවා 

එකේ රතු පාට කොටස ක්ලික් කරලා ඉදිරියට යන්න. මේ වෙනකොට ක්‍රියාකාරී තත්වයේ ජීමේල් ගිණුම ඔබ ළඟ තියෙන්න ඕන. මෙතනින් ඉදිරියට ගියාට පස්සේ ලැබෙන්නේ පහත රුපයේ වගේ එකක්. මේකට තමයි ඔයාගේ ජීමේල් ලිපිනය සහ මුරපදය දෙන්න ඕන. බය වෙන්න එපා මේකෙන් අපිට ප්‍රශ්නයක් වෙන්නේ නෑ. 
ඊට පස්සේ පහල රුපයේ විදියට පෙනේවි. එතනට ඔයාගේ ඩොන්ගල් එකේ IMEI අංකය සහ වර්ගය දෙන්න ඕන. වර්ගයනම් නිකම්ම වචනයක් විතරයි. ඒක කොහොම ලීවත් ප්‍රශ්නයක් නෑ. හැබැයි IMEI එක හරියටම දෙන්න. නිවැරදිව දත්ත ලිවීමෙන් පසු CALCULATE කියන එක ක්ලික් කරන්න. ඔබට තව කොපමණ කෝඩ් ප්‍රමාණයක් ලබා ගත හැකිද කියලත් ඉහළින් පේනවා ඇති. ඊට වඩා අවශ්‍යනම් මුදල් ගෙවීමක් කලයුතුයි.


දැන්  ගොඩක්ම වැඩ ඉවරයි. ඒත් තාම අපට අවශ්‍ය දේ ලැබිල නෑ. ඒකටනම් මේ පිටුවේ අයිතිකාරයට පොඩි උදව්වක් කරන්න වෙනවා. පහල රුපයේ පෙන්නලා තියෙනවා කරන්න ඕන උදව්ව. අපිට අමාරු දෙයක් නෙවෙයි. එයාගේ ෆේස්බුක් පිටුවට ලයික් එකක් සහ ගුගල්+ පිටුවට එකතු වෙන එක. ඒක අනිවාර්යෙන්ම කරන්න ඕන. අපේ වැඩේ කරගන්නත් ඕනනේ .


ඔන්න ඊට පස්සේ ඔයාට පේනවා ඇති අපිට අවශ්‍ය දේ ලැබිල තියෙනවා. පරණ Code එක වගේම මම කියපු New Algorithm Unlock Code එකත් ලැබිල තියෙනවා. රතු පාටින් NEW ALGO CODE කියල පෙන්වන්නේ ඒක.

දැන් සාමාන්‍ය විදියට වෙනත් වර්ගයක සිම් කාඩ් පතක් ඇතුල් කොට ඔබේ ඩොන්ගලය පරිගණකයට සම්බන්ධ කරන්න. ටික වෙලාවකින් Unlock Code එක ඇතුලත් කරන ලෙසට Dialog box එකක් ඔබට ලැබෙයි. එයට ලබාගත් අංකය නිවැරදිව ඇතුල් කරන්න. එක් වරකට වැඩිය මෙය කරන්න එපා. ඔබ ලබාදුන් අංකය භාර නොගන්නේනම් එයින් කියවෙන්නේ එම ක්‍රමයෙන් ඔබේ ඩොන්ගලය Unlock කල නොහැකි බවයි. ඒ නිසා වෙනත් ක්‍රමයක් අත්හදා බැලිය යුතු වෙනවා. මෙසේ ඔබට Unlock Code ඇතුලත් කල හැක්කේ වාර 10 ක පමණයි. වාර 10 න් පසු තවදුරටත් ඇතුලත් කිරීම් කල නොහැකි තත්වයකට ඩොන්ගලය පත් වෙනවා. ඒ නිසා අනවශ්‍ය ලෙස ඇතුලත් කිරීමෙන් වලකින්න. මේ වාර 10 යේ Counter ය ද නැවත මුල් තත්වයට ගෙන ඒමට හැකියාව තියෙනවා. නමුත් එය තරමක් අපහසුයි. දැනටමත් මම ඒ සම්බන්ධව අත්හදා බැලීම් කරමින් සිටින අතර ඉදිරියේදී මේ ලිපියටම ඒ ගැනද එකතු කිරීමට බලාපොරොත්තු වෙනවා. ඉතින් මේ සම්බන්ධව ඔබට මතුවන ගැටළු සම්බන්ධව ඔබට මේ පිටුවේ වගේම මගේ පරිගණක රහස් ෆේස්බුක් පිටුවෙන්ද ප්‍රශ්න ඇසීම කල හැකියි. 

Wednesday, October 29, 2014

ඔබේ ෆේස්බුක් ගිණුම ආරක්ශිතද ?

ඔබේ ෆේස්බුක් ගිණුම ආරක්‍ෂිතයි ද ?

      පසු ගිය දිනවල බොහොමයක් වැඩ රාජකාරි නිසා කිසිම දෙයක් ලියන්න තරම් නිදහසක් ලැබුනේ නෑ. ඒ කොහොම උනත් ඒ වෙනුවෙන් හැමෝගෙන්ම සමාව ඉල්ලනවා. වැඩ අතරේ උනත් අනිත් අයගෙන් එන ප්‍රශ්නනම් අඩු උනේ නෑ. බහුතරයකටම තිබුනේ ෆේස්බුක් ආරක්ෂාව පිලිබඳ ප්‍රශ්න. ඒක නිසාම ඒගැන ලියන්න හිතුව අද. අදනම් ටිකක් වැඩියෙන් ලියන්න හිතුවේ. 
               කීප දෙනෙකුගේම ෆේස්බුක් ගිණුම් වලට වෙනත් අය අනවසරයෙන් ඇතුළු වෙලා, එහෙම නැතිනම් බලහත්කාරයෙන් අත්පත් කරගෙන. මේක ගොඩක් වෙලාවට අපේම දුර්වල තැන් නිසා වෙන දෙයක්. ඇත්තටම කියනවනම් ෆෙස්බුක් කියන්නේ ලේසියෙන් හැක් කරන්න පුළුවන් දෙයක් නෙවෙයි. ප්‍රයෝගිකව හිතල බලන්න විශාල ජනකායක් එකතු වෙලා ඉන්න තැනක් එහෙම ලේසියෙන් හැක් කරන්න පුළුවන් විදියට හදයිද කියල. බහුතරයකගේ පුද්ගලික දේවල් පවා ඇති මේ වගේ තැනක් වෙනුවෙන් එහි නිර්මාණකරුවන් ඉතාමත් හොඳ ආරක්ෂාවක් යොදනවා. ඒ වෙනුවෙන් විශාල පිරිවැයක් දරනවා. ඒවා හැමදාම යාවත්කාලීන වෙනවා. නමුත් අපේ සමහර නොදැනුවත් කම් , නොසැලකිලිමත්කම් නිසාම තමයි අපේ දේවල් අපි නොදැනුවත්වම අනුන් අතට පත් වෙන්නේ. ෆේස්බුක් ගිණුමක් රිකවර් කරන ආකාරය ගැන මම මිට කලින් ලිපියක කියල දුන්න මතක ඇති. ඒක මෙතනින් බලන්න පුළුවන් අවශ්‍යනම්. අද මම කියල දෙනවා තමන්ගේ ෆේස්බුක් ගිණුමට අපටත් නොදැනී වෙනත් කව්රුවත් අතුලුවෙලාද කියල පරීක්‍ෂා කරන්නේ කොහොමද කියල. ඒ වගේම මුරපදයේ ආරක්ෂාව වැඩි කරගන්න ආකාරය. 

ගිණුමට  ඇතුළු වූ අනෙක් අවස්ථා පරීක්‍ෂා කිරීම 

      මම මෙතනින් අදහස් කලේ අපේ මුරපදය වෙන කෙනෙක් වෙනස් කරලා ඇතුළු වෙලා කියන එක නෙවෙයි අපට අමතරව මුරපදය වෙනත් කෙනෙකුත් දන්නවද යන්නයි. ඒ කොහොම උනත් ඇතුල් වූ අවස්ථා බලාගන් පුළුවන්. ඔබේ ගිණුමේ පහත පේන්වා ඇති ස්ථාන වලට යන්න







   දැන් ඔබට පේනවා ඇති දැනට ඔබ ඇතුළු වී ඇති අවස්ථාව සහ පෙර ඇතුළුවූ අවස්ථාවන් පිළිබඳව. එසේම එහිදී භාවිතා කල Browser එක කුමක්ද, කුමන ප්‍රදේශයෙන්ද , කවදද කියන දේත් බලාගැනීමට හැකියාව ලැබෙනවා. ඉතින් ඔබට තීරණය කරන්න පුළුවන් මේ අවස්ථාවන් ඔබගේ ඇතුළු වීමද නැතහොත් වෙනත් අයෙකුගේද යන්න. ඇතුළු වීමට භාවිතා කල උපකරණය අනුවත් මෙය වර්ගීකරණයකට ලක් වෙනවා. මෙම රූපයේ එය පෙන්වා නැහැ. නමුත් ඔබ පරික්ෂා කිරීමේදී ඔබ දුරකතනයක්, ටැබ් එකක් වැන්නක් භාවිත කරනවානම් එය ඔබට පැහැදිලිව බලාගත හැකියි. අවසාන වශයෙන් මේ ගැන දන්නා කෙනෙකුට මෙය මකා දැමිය හැකි බවද මතක තබා ගන්න. එවිටනම් කලයුතු වෙනත් කිසිවක් ඉතිරි වන්නේ නැහැ.

ගිණුමේ  ආරක්ෂාව වැඩි කිරීම 

     බොහෝ විට ඔබ භාවිත කරන්නේ ගිණුමට ඔබ ලබාදුන් සාමාන්‍ය මුර පදයයි. බොහෝ විට එය මතක තබා ගැනීම පහසු වනු පිණිස තමාගේ දුරකථන අංකයක්, උපන්දිනයක්, විශේෂ දිනයක්, පෙම්වතියගේ/ පෙම්වතාගේ නම /උපන්දිනයක් , දරුවාගේ නම, මවගේ නම, තමාගේම නම  වැනි දේ භාවිතා කරනවා. තමාගේ මුරපදයන් වෙනත් අයෙකුගේ අතට පත්වීමට හැකියාව ඇත්තේ මෙම අවස්තායි. වෙනත් අය යනු අප නොදන්නා අයම නොවේ. බොහෝ විට සිදුවන්නේ අප ලඟම සිටින කෙනෙකුගේ ප්‍රහාරයට අප ලක්වීමයි. එවැනි මුරපද ඔබ ගැන හොඳින් දන්නා කෙනෙකුට පහසුවෙන් අනුමාන කිරීමට හැකියාව තිබෙනවා. ඉන් පසු වෙන දේ ගැන මා අමුතුවෙන් පැහැදිලි කලයුතු නැතැයි සිතනවා. ඒ වගේම බොහෝ දෙනෙක් තමාගේ ෆේස්බුක් ගිණුම සාදාගන්නේ වෙනත් කෙනක් මාර්ගයෙන්. ඒ සඳහා යොදා ගන්නා ඊමේල් ලිපිනයත් එසේමයි. සාමාන්‍ය පරිදි ෆේස්බුක් මුරපදය මාරු කරගන්නා නමුත් ඊමේල් ලිපිනය අමතක කරනවා. ඔබ දැනගත යුතු බරපතලම දෙයනම් ෆේස්බුක් ගිනුමක වැදගත්ම කොටසක් වන්නේ ඊමේල් ලිපිනයයි. එයට ඇතුළු වීමට හැකි අයෙකුට ඔබේ ෆේස්බුක් ගිණුම අතට ගැනීමට ගත වන්නේ ඉතාමත් සුළු කාලයක්. මේ හේතුව නිසාම ඔබ ෆේස්බුක් ගිණුම වෙනත් අයෙකුට කියා සාදවා ගන්නවානම් අවසානයේ ඊමේල් ලිපිනයද ඔබ අතට පත් කරගන්න. එහි මුරපදයද මාරු කරන්න. එසේ නොමැතිනම් ඔබට ඇති ආරක්ෂාව ඉතාමත් අඩු බව හොඳින් සිහි තබාගන්න. ගිණුමේ ආරක්ෂාව වැඩි කරගැනීමට ෆෙස්බුක් නිර්මාණකරුවන් ක්‍රම කීපයක්ම අපට හඳුන්වා දී තිබෙනවා. මේ සියල්ලම හෝ එකක් හෝ භාවිත කිරීම ඉතාමත් සුදුසුයි. 

පහත රූපයෙන් පෙන්වන්නේ ඔවුන් ලබා දී ඇති ආරක්ෂක මෙවලම්.
 


මේවා එකිනෙක මම පැහැදිලි කරන්නම්

Login Notification
                මෙම අංගය නිසියාකාරව ක්‍රියා කිරීමට නම් දෙවන කොටස ක්‍රියාත්මක කර තිබිය යුතුයි. මෙහිදී ඔබ මීට පෙර අවස්ථාවක ෆේස්බුක් ගිණුමට ඇතුළුවීමට භාවිත නොකළ යම් උපකරණයකින් ඔබගේ ගිණුමට ඇතුළු වීම ඔබට දන්වා සිටිනවා ඊමේල් සහ කෙටි පණිවිඩ මගින්. 

Login Approvals
                          
                මේ සඳහා ඔබ ඔබේ ජංගම දුරකථන අංකය ගිණුමට ඇතුලත් කර තිබිය යුතුයි. එය දැනටමත් ඔබ කර ඇති. මේ ආකාරයට සැකසු විට මුල්ම අවස්ථාවේදී ඔබේ දුරකතනයට කෙටි පණිවිඩයක් මගින් අංකයක් ලැබෙනවා. එය නැවත මෙම පිටුව වෙත ලබා දිය යුතුයි. ඉන් පසු ඔබ ඔබේ පරිගණක යන්ත්‍රය භාවිත කර ඇතුළු වීමේදී පහත ආකාරයට ඔබගෙන් ආරක්ෂක අංකයක් විමසනු ඇත. එම අංකයද ඒ වනවිට ඔබේ දුරකතනයට ලැබෙනු ඇති. 
 ආරක්ෂක අංකය ඇතුළු කල පසු පහත ආකාරයට ඔබ භාවිත කරන බ්‍රව්සරය මතක තබාගැනීමට අසයි. ඔබ විසින් Save Browser ලෙස ලෙස ලබා දුනහොත් නැවත වරක් ඔබ ගිණුමට ඇතුළු වීමේදී එම ක්‍රියාවලිය පසු කිරීමට ඔබට අවශ්‍ය නැත. එහෙත් වෙනත් තැනකින් ඔබ ගිණුමට ඇතුළුවීමට යන අවස්ථාවක ඔබ මේ අවස්ථා පසු කල යුතුමය. Don't Saveයන්න ලබා දුනහොත් නැවත නැවතත් ඔබ ඇතුල්වන සෑම අවස්ථාවකදීම ආරක්ෂාව තහවුරු කිරීමේ ක්‍රියාවලිය ඔබ විසින් පසු කල යුතුය.


බැරි වීමකින් හෝ ඔබ වෙනත් තැනකදී ඔබේ ගිණුමට ඇතුල් වන අවස්ථාවකදී ඔබේ දුරකථනය ළඟ නැතිවීම  හෝ ක්‍රියා විරහිතනම් ඔබට තවත් අවස්ථාවක් මෙමගින් ලබා දේ. ඉහත Login Approvals පින්තුරයේ ආකාරයට ඔබට Get codes ස්ථානයෙන් හදිසි අවස්ථා සඳහා භාවිත කල හැකි අංක කීපයක් ලබා ගැනීමට හැක. එය පුද්ගලිකව තබා ගැනීමෙන් දුරකථනය නැතිව හෝ ගිණුමට ඇතුල්වීමට ඔබට අවස්ථාව ලැබේ. 

Code Generator
                 ඔබ භාවිත කරන්නේ Android වර්ගයේ දුරකතනයක් නම් ඒ සඳහා වෙනම ආරක්ෂක අංක ලබා ගැනීමට මේ හරහා හැකියාව ලැබේ.
 

App Passwords 
              ඔබගේ ෆේස්බුක් ගිණුම වෙනත් වෙබ් පිටු, ඇප්ලිකේෂන් සමග සම්බන්ධ කිරීමේදී ආරක්‍ෂාව සඳහා වෙනම මුරපදයක් සකස් කිරීමට මෙම කොටසින් හැකිය. 


Trusted Contacts
                        ඔබේ මුර පද වෙනස් කිරීමට කිසිම අවස්ථාවක් නැති වූ විට ඔබේ විශ්වසවන්තයින් හරහා එය කරගැනීමටත් ඔබට අවස්ථාවක් තිබෙනවා. මෙම කොටසට ඔබට විශ්වාසවන්ත කීපදෙනෙක එකතු කර තැබීමෙන් ඔවුන් මගින් ඔබේ මුරපද වෙනස් කිරීමට ඔබට හැක.


Trusted Browsers
                          මුලින් සඳහන් කල Login Approvals මගින් ඔබ save කරගන්නා බ්‍රව්සර් මෙම ස්ථානයෙන් පෙන්වයි. අවශ්‍යනම් ඉවත් කිරීමටද ඔබට හැක.


මේ දේවල් නියමාකාරව අනුගමනය කිරීමෙන් පුළුවන් ඉතාමත් හොඳ ආරක්ෂාවක් ලබා ගන්න. ඒ වගේම තමයි ඊමේල් ගිණුමේ ආරක්ෂාව. ජීමේල් වලටනම් Login Approvals වැනිම අංගයක් තියෙනවා 2 step verification කියලා. ඒකත් මේ විදියටම හදාගන්න පුළුවන්. මමනම් සාමාන්‍ය දෙයක් විදියට ඒවා භාවිතා කරනවා. ඉතින් මේ සියලුම දේවල් හරියට කරගන්න පුලුවන්නම් අපේ ෆේස්බුක් ගිණුමට කිසිම කෙනෙකුට හොරෙන් ඇතුළු වෙන්න අනවසරයෙන් ගන්න කිසිම හැකියාවක් ලැබෙන්නේ නෑ.

Sunday, August 4, 2013

Windows / Linux Bootable USB Flash drive එකක් හදාගන්නේ කොහොමද ?

Windows / Linux Bootable USB Flash drive එකක් හදාගන්නේ කොහොමද ?

        ගොඩක් අයට තියෙන ප්‍රශ්නයක් තමයි වින්ඩෝස් හෝ ලිනක්ස් වගේ මෙහෙයුම් පද්ධතියක් USB Flash drive එකකින් දාගන්න ගියාම ඒක Bootable විදියට හදාගන්නේ කොහොමද කියන එක. CD/DVD එකකට දාගන්නේ නැතුව මේක කරනකොට පොඩි ලාබයකුත් තියෙනවා. ඒ වගේම අවශ්‍ය නැතිනම් ආයෙ වෙන දෙයක් දාගන්නත් පුළුවන් පහසුවෙන්ම. මේ සඳහා මුලික වශයෙන්ම පිහිටුවා ගැනීමට අවශ්‍ය මෙහෙයුම් පද්ධතියේ Image File එකක් අවශ්‍යයි. ඊට අමතරව තවත් පොඩි මෘදුකාංගයක් අවශ්‍ය වෙනවා. මෙහිදී වින්ඩෝස් සඳහා එක් මෘදුකාංගයකුත් ලිනක්ස් සඳහා වෙනත් මෘදුකාංගයකුත් අවශ්‍ය වෙනවා. 

වින්ඩෝස්  සඳහා අවශ්‍ය වන මෘදුකාංගය මෙතනින් ලබා ගන්න 


ලිනක්ස්  සඳහා අවශ්‍ය වන මෘදුකාංගය මෙතනින් ලබා ගන්න.



දැන් අවශ්‍ය දේවල් ඔක්කොම තියෙනවා. මේ දෙකම කරන විදිය ගොඩක්ම දුරට සමානයි. ඒක නිසා මම Windows XP Bootable Flash Drive එක හදන විදිය කියලා දෙනවා. ලිනක්ස් වලට හදන විදියත් ඒ විදියමයි. හරිම ලේසියි.
මුලින්ම  win to flash කියන මෘදුකාංගය පරිගණකයේ පිහිටුවා ගන්න ඕන. එක කරගෙන ක්‍රියාත්මක කරන්න. 


මෙතනින් අපට අදාල මෙහෙයුම් පද්ධතිය තෝරාගන්න ඕන. මේ විදියට වෙනත් වින්ඩෝස් මෙහෙයුම් පද්ධතියක් උනත් හදාගන්න පුළුවන්. 


දැන් ඉහත රූපයේ පෙන්වල තිබෙන ආකාරයට පෙරදී Download කරගත් Image File එක තිබෙන තැන සහ පෙන් ඩ්‍රයිව් එක තියෙන තැන හරියට පෙන්වන්න ඕන. ඉන්පසු රූපයේ ආකාරයට Run කියන එක ඔබන්න. 

රුපයේ ආකාරයට ඉතිරි ටිකත් කරන්න. දැන් ටික වෙලාවක් ඉන්න වෙනවා අදාල ගොනු පෙන් ඩ්‍රයිව් එකට කොපි වෙනතුරු. ලිනක්ස් එකට හදා ගන්නකොටත් මේ ආකාරයටමයි. පොඩි පොඩි වෙනස් කම් ටිකක් විතරයි. හැබැයි ඒකට අදාල මෘදුකාංගය පාවිච්චි කරන්න. 




දැන් ඒ විදියට හදාගත්තු Bootable Flash Drive එක භාවිතා කරලා මෙහෙයුම් පද්ධතිය පිහිටුවා ගන්න පුළුවන්. මේක කරන්න ගියාම ප්‍රශ්න මතු උනොත් ඒවා මට ඉදිරිපත් කරන්න. මම සූදානම් උදව් කරන්න.

Thursday, August 1, 2013

ඔබේ PEN Drive එක FORMAT කරන්න බැරිද ? මෙන්න විසඳුම...

ඔබේ PEN Drive එක FORMAT කරන්න බැරිද ? මෙන්න විසඳුම්...


    ගොඩක් අයට එන ප්‍රශ්නයකට හොඳ විසඳුමක් දෙන්න තමයි අද මම ආවේ. කීප දෙනෙක්ම මගෙන් මේ ප්‍රශ්නේ ඇහුවා. විසඳුම් හොයල දුන්නත් හැමෝටම බලන්න ලියන්න බැරි උනා. ඔන්න අද දෙනවා ඒකට විසඳුම. සමහර පෙන් ඩ්‍රයිව් එහෙම නැතිනම් USB Flash Drive සමහර වෙලාවට FORMAT කරන්න දෙන්නේ නැතිව යනවා. කිසිම දෙයක් කරගන්න බැරිව තමන්ගේ පෙන් ඩ්‍රයිව් එක ඉවත් කරපු අයත් මම දැකල තියෙනවා. නමුත් මේ ප්‍රශ්නය නිවැරදි කරගන්න පුළුවන් දෙයක්. වයිරස් බලපෑම නිසා Windows Registry එකේ සිද්ද වෙන වෙනසක් හේතුවෙන් තමයි මේක සිද්ද වෙන්නේ. මේක නිවැරදි කරගන්න ක්‍රම කීපයක්ම තියෙනවා. මම කියල දෙන්නම් ක්‍රම දෙකක්ම.

පළමු ක්‍රමය
-------------
        මුලින්ම ඔයාලා හැමෝම දන්නා Regedit.exe කියන ඇප්ලිකේෂන් එක OPEN කරගන්න ඕන. Windows XP වලනම් Run කියන එකට ගිහින් Regedit කියල ටයිප් කරලා එන්ටර් කරන්න. Windows 7 වලනම් Start ක්ලික් කරලා search programs and files කියන තැන Regedit කියල ටයිප් කරලා එන්ටර් කරන්න. ඒකෙ පහලින් ලියල තියෙන තැනට යන්න ඕන 

Computer\HKEY_LOCAL_MACHINE\SYSTEM\CurrentControlSet\Control\StorageDevicePolicies

ඊට පස්සේ පහත රූපයේ පෙන්වා තියෙන ලෙසට Write protect value කියන එක ඩබල් ක්ලික් කරන්න ඕන. ඒකෙ පෙනෙන්න තියෙන Value Data කියන එක 0 ලෙසට වෙනස් කරන්න ඕන. 
 ඊට පස්සේ OK කරලා ඇප්ලිකේෂන් එක වහලා දාලා පරිගණකය Restart කරන්න ඕන.  ඉන්පසු නැවතත් USB Flash Drive එක පරිගණකයට සම්බන්ධ කරලා ෆොර්මැට් කරන්න පුලුවන්ද කියලා බලන්න. StorageDevicePolicies කියන එක හොයාගන්න නැතිනම් එම කොටස අපිටම හදලා දාගන්නත් පුළුවන්. මෙහිදී Control\ කියන තැන ක්ලික් කරලා වම්පසින් තිබෙන කොටසේ හිස් තැනක Right click කරලා New - Key කියලා දීලා අලුත් එකක් හදාගන්න. නම හරියටම දෙන්න ඕන StorageDevicePolicies කියලා. ඒක ඇතුලේ ඉතිරි එකත් හදාගන්න ඕන. ඉතිරි එක DWORD කියන Value එකෙන් හදාගන්න ඕන. ඊට පස්සේ මුල් පියවර ටික අනුගමනය කරන්න ඕන. ඔබ විසින් කලයුත්තේ එපමණයි. එය සාර්ථක නැති නම් දෙවන ක්‍රමයට යන්න පුළුවන්.
 
දෙවන ක්‍රමය
---------------
      දෙවන ක්‍රමයේදී භාවිත කරන්නේ Command Prompt එක. මේ සඳහා Command Prompt එක Administrator Privileges සහිතව ඕපන් කරගන්න ඕන. එහෙම නැතුව මේක කරන්න ඉඩ දෙන්නේ නැහැ. ඒකට කරන්න තියෙන්නේ Command Prompt එක තියෙන තැනට ගිහින් ඒක උඩ Right click කරලා Run as Administrator කියන එක ක්ලික් කරන්න. එතකොට සාමාන්‍ය විදියටම Command Prompt එක ඕපන් වෙනවා. දැන් පහත පියවර ටික නිවැරදිව අනුගමනය කරන්න.

# diskpart

# list disk
මෙහිදී  ඔබගේ USB Flash Drive එකත් ඇතුළුව අනෙක් මතකයන් පෙන්වනවා.
# select disk X 
( "X" යන තැනට ඔබේ Drive එකට අදාල අංකය ලබා දෙන්න.)

# attributes disk clear readonly

# clean

# create partition primary

# format fs=fat32 (මෙහි "fat32" යන්න වෙනුවට "ntfs" ලෙසද ලබාදිය හැක.)

# exit

බොහොම ලේසියෙන් කරගන්න පුළුවන් දෙයක්. දිගට පෙනුනට කරන්න ගියාම හරිම කෙටියි, පහසුයි. කරලම බලන්න. ප්‍රශ්න ආවොත් ඉදිරිපත් කරන්න.

තෙවන ක්‍රමය
----------------
       තුන්  වන ක්‍රමය පොඩි ටූල් එකක්. අහලත් ඇති මේක HP Low Level Format Tool. මේකත් ගොඩක් දුරට සාර්ථකයි. මේකෙනම් කියල දෙන්න තරම් දෙයක් නෑ. පහල රුපයේ විදියට කරන්න විතරයි තියෙන්නේ.පෙන් එක සම්භන්ධ කලාට පසුව මේකේ Device කියන තැනින් ඒක Select කරගන්න ඕන.


මේ විදියට හදාගෙන Start කරන්න. සොෆ්ට්වෙයාර් එක පහල ලින්ක් වලින් ගන්න පුළුවන්.
https://drive.google.com/file/d/0B_uYfxbF44Nhbl9iNk9INlRWNjQ/view?usp=sharing

http://hdd-low-level-format-tool.en.softonic.com/ 

ඉතින් තවත් මේ වගේම ලිපියකින් හමු වෙමු.



Friday, April 12, 2013

ඔබේ පරිඝනකයෙන් 3D Movie බලමු

ඔබේ පරිඝනකයෙන් 3D Movie බලමු

                   පහුගිය කාලෙම 3D Movie එකක් මගේ ලැප්ටොප් එකෙන් බලන්න හරි ආසාවෙන් හිටියා. සල්ලි දීල හොඳ 3D Movie එකක් බලන්න සැවෝයි එකට යන්න වෙලාවක් කොහෙන්ද ඉතින්. ඒකට ක්‍රමයක් හෙව්වා. ඔන්න ඒකෙ ප්‍රතිපල තියෙනවා. අද මම කියල දෙන්නම්  ඔයාලගේ පරිඝනකයෙන් 3D Movie බලන හැටි. 
              ඉස්සර වෙලාම ඒකට අවශ්‍ය කරන දේවල් ටික මම කියන්නම්. 3D Movie බලන්න පුළුවන් කන්නාඩි දෙකක් ඕන වෙනවා ප්‍රධාන වශයෙන්ම. ඒ වගේම 3D Movie එකක් හොයාගන්න වෙනවා. දැන් ඕන තරම් අන්තර්ජාලයේ තියෙනවා නොමිලේම බාගන්න පුළුවන්. 3D Movie කියලා ගූගල් එකේ හොයලා බලන්න. එහෙම හොයා ගන්න අමාරුනම් ඒකටත් මම විසඳුමක් දෙන්නම්. තමන් කැමති  Movie එකක් 3D Movie එකක් විදියට හදාගන්නත් පුළුවන්. 3D Movie බලන්න පුළුවන් කන්නාඩියක් වෙළඳපොලෙන් දැන් මිලදී ගන්න පුළුවන් සාමාන්‍ය මුදලකට. එහෙම නැතිනම් තමන්ටම හදා ගන්නත් පුළුවන්. මෙන්න ඒ ගැන කියලා තියෙන ලින්ක් එකක්. මේක හරිම පහසුයි. http://adf.ly/VSiSI  ඊලඟට 3D Movie බලන්න පුළුවන් Player එකක් තියෙන්න ඕන. ඒක මෙන්න මෙතනින් බාගන්න.  3D Movie එකක් හොයා ගන්න බැරිනම් ඔයාලා ළඟ තියෙන එකක් 3D Movie එකක් විදියට හදාගන්න. ඒක කරන්න පුළුවන් මෘදුකාංගය මෙතනින් බාගන්න
                 දැන් ඕන කරන හැම දේම තියෙනවා. බලන්න විතරයි තියෙන්නේ. ඒත් මේවා බලන්න නම් Player ඒක හරියට හදාගන්න ඕන. සාමාන්‍ය විදියට Player එක ඕපන් කරලා 3D Movie එකක් Load කරගන්න. මෙනු බාර් එකේ තියෙන Input Format කියන එක Interlaced කරගන්න ඕන. ඊට පස්සේ Output Format කියන එක Color code 3-D කියන එකට දාගන්න ඕන. දැන් Movie එක Play කරලා යට තියෙන Stereo Window කියන Control එක ඇසට පහසු ප්‍රමාණයට සකසා ගන්න. තවත් විශේෂ දෙයක්. මේ කන්නාඩි දෙක දාගත්තම සාමාන්‍ය තත්වයට වඩා ටිකක් අඳුරු ගතියක් එනවා. ඒක නිසා Display එකේ Brightness හැකි තරම් වැඩි කරගන්න. එතකොට හොඳ පැහැදිලිව පේනවා. දැන් ඉතිරි වෙලා තියෙන්නේ රස විඳින්න. මම මේ විදියට 3D Movie කීපයක්ම බැලුවා. හොඳ අද්දැකීමක් උනා.

Tuesday, November 27, 2012

Hard Drive, Pen Drive හරියටම මකන්නේ කොහොමද ?

Hard Drive, Pen Drive හරියටම මකන්නේ කොහොමද ?

                මට  මේ ලිපිය ලියන්න හිතුනේ පත්තරේක දැකපු සිද්ධියක් නිසා. ඒකත් කෙටියෙන්ම කියන්නම්. එක පුද්ගලයෙක් එයාගේ ඩිජිටල් කැමරාවේ ප්‍රශ්නයක් වෙලා හදන්න දීල තියෙනවා යාලුවෙකුට. යාළුවා ඒක හදන අතරේ කැමරාවේ තිබුන මෙමරි චිප් එක බලලා තියෙනවා. ඒ වගේම ඒක රිකවර් කරලා තියෙනවා. ඒ කියන්නේ මකලා දමපු ගොනු නැවත ලබාගෙන තිබෙනවා. ඒ ෆයිල් අතර අර කැමරාව දීපු කෙනාගේ අතිශය පුද්ගලික පින්තුරයකුත් තිබිල තියෙනවා. යාළුවා නිසා එයා ඒක පිටට යවලා නැහැ. යාලුවට මේ ගැන කියලා. ඒත් යාළුවා කියනවලු මම ඒක මැකුවා කොහොමද ගත්තේ කියලා.
           කතාවේ ඉතිරි හරිය මම කියන්නේ නෑ. ඒක අපිට අදාල නෑ. කැමරාව අයිති යාළුවා ඇත්තටම දන්නේ නෑ අපි ළඟ තියෙන ගොඩක් මෙමරි චිප් ,පෙන් ඩ්‍රයිව් , හර්ඩ් ඩිස්ක් වගේ දේවල් වල මකල දාපු දේවල් නැවත ලබා ගන්න පුළුවන් කියලා. ඉතින් මේ ටික කියවපුවම ඔයාලටත් හිතෙයි මමත් අහවල් තැන මගේ අහවල් පින්තුරේ දාලා මැකුවා. ඒකත් අරගෙනද දන්නේ නෑ කියලා. ඔව් වෙන්න පුළුවන්. අද තියෙන තාක්‍ෂණයෙන් ඒක ඉතාමත් පහසුවෙන් සුළු වෙලාවක් ඇතුලත කරගන්න පුළුවන්. මතකය තැන්පත් කිරීමට අපි භාවිත කරන ගොඩක් දේවල් තියෙනවා. මම කීපයක් කියන්නම්. හාර්ඩ් ඩිස්ක් , අතේ ගෙනයාහැකි හාර්ඩ් ඩිස්ක්, පෙන් ඩ්‍රයිව්,  MP3 ප්ලේයර්, ජංගම දුරකථන වල භාවිතා වන මෙමරි චිප්  වගේ දේවල්. මේ කීපයක් විතරයි. ඔය වගේ තවත් විවිධ වර්ග තියෙනවා. ඉතින් සමහර වෙලාවට අපි මේවට අපේ අතිශය පෞද්ගලික දේවල් දාලා තියෙනවා. ඒ වගේම මකල දානවා. මේ දේවල් අතර පින්තූර වගේ දේවලුත් තියෙනවා. සමහර පින්තූර පිටස්තර කෙනෙක් අතට පත් උනොත් අපිව ගොඩක් අපහසුතාවයට පත් වෙන්න පුළුවන් කම තියෙනවා. ඒ වගේම අනවශ්‍ය කරදර ගොඩකට පැටලෙන්නත් ඉඩ තියෙනවා. ඒත් එහෙම කියල මේ උපකරණ පාවිච්චි නොකර ඉන්නත් බෑනේ නේද. කරන්න තියෙන හොඳම දේ උපකරණ පාවිච්චි කරන්න. වෙන කෙනෙක් අතට පත් කරනවානම්, විකුනනවානම් පමණක් සම්පුර්ණයෙන්ම මකල දාල දෙන්න. ඒත් කොහොමද සම්පුර්ණයෙන් ඒක කරන්නේ. පුළුවන් ඒකට කියන්නේ වයිප්(Wipe) කරනවා කියලා. ඒකටත් ගොඩක් සොෆ්ට්වෙයාර් වර්ග හොයා ගන්න පුළුවන්. මුදල් ගෙවල වගේම නොගෙවා නොමිලේම ගන්න පුළුවන් ඒවා ගොඩක් තියෙනවා. වර්ග ගොඩක් තියෙන නිසා මම කරන ක්‍රමේ ගැන කියන්නේ නෑ. අනික මහලොකු දෙයක් කරන්නත් නෑ. කැමති එකක් බාගෙන කරලම බලන්නකෝ. සොෆ්ට්වෙයාර් බාගන්න ලින්ක් ටික පහලින් දානවා. කරලා බලලම ප්‍රශ්න තියෙනවනම් කොමන්ට් කරන්න.

Link 1: http://adf.ly/VSihc

Link 2 : http://adf.ly/VSilM

Link 3 : http://adf.ly/VSipN


Friday, August 31, 2012

මගේ පරිඝනකය ආරක්‍ෂිතයි. ඔබේ පරිඝනකය ආරක්‍ෂිතද ?

මගේ පරිඝනකය ආරක්‍ෂිතයි. ඔබේ පරිඝනකය ආරක්‍ෂිතද ?

                        පරිඝනක එක්ක කාලයක් තිස්සේ වැඩ කරන නිසා වගේම පොඩිකාලේ ඉඳලා තිබුන අශාවත් එක්ක පරිඝනකය ගැන ගොඩක් දේවල් ඉගෙන ගත්තා. ඒ කීවේ සියල්ල දත් කෙනෙක් කියන එක නම් නෙවෙයි. ඒත් මගේ පරිඝනකය කිසිම කරදරයක් නැතිව නඩත්තු කරගන්න මම දැන් දන්නවා. ඒ වගේම අනිත් අයටත් එයාලගේ පරිඝනක ඒ විදියට නඩත්තු කරගන්න කියල දෙන්න තරම් දැනුමක් මට දැන් තියෙනවා. ඒ වගේම බහුතරයක් පරිඝනක පිලිබඳ ප්‍රශ්න වලට පිලිතුරුත් මගේ ළඟ තියෙනවා. වැඩි හරියක් ඒවා අත්දැකීමෙන්ම ලබාගත්තු ඒවා. 
                   ඉතින් අද මම කියන්න යන්නේ මගේ හිතවත් ගොඩක් අය ගොඩක් වෙලාවට මගෙන් අහන ප්‍රශ්න ගැන සහ ඒවාගෙන් තමන්ගේ පරිගණකය බේරාගන්නේ කොහොමද කියන එක. ඒ වගේම ගොඩක් අය වැඩි සැලකිල්ලක් දක්වන්නේ නැති ඒත් දැනගත යුතුම කරුණු කීපයක්. ඉස්සර වෙලාම මම මට ආපු ප්‍රශ්න කීපයක් කියන්නම්.

* මගේ PC එකේ වයිරස් තියෙනවා අයින් කරගන්නේ කොහොමද ?
* මගේ වයිරස් ගාර්ඩ් එක හරියට වැඩ කරන්නේ නෑ. හදාගන්නේ කොහොමද ?
* මගේ PC එක SLOW වෙලා 
* මගේ ඉන්ටර්නෙට් එක SLOW වෙලා

                ඔන්න  ඔය වගේ ප්‍රශ්න ගොඩයි. ඔය වැඩිපුරම ඇහෙන ප්‍රශ්න කීපයක්. තවත් එක එක ජාතියේ  ඒවා ඇහෙනවා. ඒ තරම්ම ප්‍රශ්න. නමුත් සතුටින් කියන්න කැමතියි මගේ පරිගණකයේ ඔය කියන ලෙඩ 98% ක්ම නෑ. බොහොම හොඳින් කාලයක් තිස්සේ වැඩ කරනවා. මගේ ලැප්ටොප් එක අරගෙන දැනට අවරුදු 3 පමණ වෙනවා. මම ඒක ෆොර්මැට් කරලා තියෙන්නේ දෙපාරයි. ඒකත් ලෙඩක් නිසා නෙවෙයි. එක පාරක් OS එක වෙනස් කරන්න. අනිත් එක මම හිතාමතාම ෆයිල් කීපයක් මකලා බැලුවා වෙන වැඩකට. ඒක ආපහු හදන්න. ඒ ඇරෙන්න ගොඩක් අය කරනවා වගේ මාස දෙකෙන් තුනෙන් ෆොර්මැට් කරන්න ඕන උනේ නෑ. 
                මම පළමුවෙන්ම කියන්නම් මේ වයිරස් ප්‍රශ්නේ ගැන. එක එක ජාතියේ වයිරස් ගාර්ඩ් ඔයාල පාවිච්චි කරනවා ඇති. ඔය හැම එකක්ම නරක නෑ. හොඳයි. ඒත් එකකට එකක් වෙනස්. එකකින් හොයාගන්න වයිරස් තව එකකට අහු නොවෙන වෙලාවල් තියෙනවා. ඒක මම අත්දැකලා තියෙනවා. දැනට මම පාවිච්චි කරන්නේ AVG Internet Security. කිසිම ලෙඩක් නැතිව කරදරයක් නැතිව දුවනවා. මගේ OS එක වින්ඩෝස් 7 . ඔයාලා හැමෝගෙම වගේ Crack එකක්. ඒත් පෙන්නන්නේ Genuine කියල. මේ වෙනතුරු බිල් ගේට් මහත්තයට දැනුනෙත් නෑ මම සල්ලි දෙන්නේ නැතිව වින්ඩෝස් වල තියෙන හැමදේම පාවිච්චි කරනවා කියලා. ඒකත් පොඩි රහසක්. ඒකත් මම කියන්නම්. ඉතින් මේ වයිරස් ගාර්ඩ් එකක්නම් අපිට තියෙන්නම ඕන. ඒක අපේ ඇඟේ තියෙන ප්‍රතිශක්තිය වගේ හරියට. පරිගණකයේ ආරක්ෂකයා. ඒ වගේම ඒක අප්ඩේට් වෙන්නත් ඕන අඩුම තරමින් සතියකට වතාවක් වත්. එහෙම කරන අයටත් වයිරස් වලින් හරි කරදරයි නේද ? ගොඩක් අය වෙන වැඩ පැත්තක තියලා ඕකම කරන අයත් ඉන්නවා. ඒත් එයාලටත් ප්‍රශ්නේ එහෙමමයි. එහෙම වෙන්න හේතුව ඔයාලගේම පොඩි අඩුපාඩුවක්. ඔයාලගේ කීවට ඔයාලගේම නෙවෙයි පරිගණකයේ. අඩුපාඩුව මේකයි. වයිරස් ගාර්ඩ් එක අප්ඩේට් උනාට ඒක වින්ඩෝස් වල ආරක්ෂක පද්ධතිය දැනගන්න ඕන. එහෙම වෙන්න නම් ඔපරේටින් සිස්ටම් එකත් අප්ඩේට් වෙන්න ඕන. ඔන්න ප්‍රශ්න මතු වෙන තැන. " අපි පාවිච්චි කරන්නේ වින්ඩෝස් හොර කොපි. අප්ඩේට් කරපු ගමන් බිල් මත්තයා දැනගෙන මගේ කොපිය Black List එකට දානවා. ඩෙස්ක්ටොප් එක කළු වෙනවා. එතකොට ඔක්කොම ඉවරයි. ආයෙත් දාන්න වෙනවා වින්ඩෝස් මුල ඉඳලම." නෑ එහෙම නොවී අප්ඩේට් කරන්න ක්‍රමයක් තියෙනවා. යට තියෙන පින්තුරය බලන්න

                  මේකේ මම සිලෙක්ට් කරලා තියෙනේ "Download updates but let me choose whether to install them" කියන එක. ඒකට පහලින් තියෙන එක උනත් ප්‍රශ්නයක් නෑ. කොහොමහරි ෆයිල් ටික Download උනාට පස්සේ එතනින් අපිට අවශ්‍ය ටික විතරක් තෝරාගන්න ඕන. ඒ කීවේ එතන තියෙනවා එක එක ජාතියේ ඒවා. "Updates for Windows" කියලා ඒවත් තියෙනවා. ඒවා තමයි අත හරින්න ඕන ඒවා. ඒ වගේම එතන තියෙනවා "Security updates for windows" කියලා. අන්න ඒවා තමයි අපිට අවශ්‍ය ඒවා. ඒවාට අමතරව තියෙන අනිත් ඒවා ඒ තරම්ම අපිට වැදගත් නෑ. අවශ්‍ය නම් ගත්තට කමක් නෑ. ඒත් හරියට හොයල බලලා. කලින් කියපුවනම් අල්ලන්නවත් එපා. ඒවා ගත්තොත් තමයි අපිව අහුවෙන තත්වෙට එන්නේ. දැන් තොරගත්තුවා Install කරගන්න. පහල පින්තුරයේ ඒවගේ එකක්(අත්හැරිය යුතු ) තියෙනවා බලන්න ඒක.

            මේ විදියට සතියකට සැරයක්වත් කරන්න. එතකොට වයිරස් ගාර්ඩ් එකත් එක්කම ඔයාගේ වින්ඩෝස් කොපි එකත් අප්ඩේට් වෙනවා. ඒ වගේම ඔයා පාවිච්චි කරන්නේ වින්ඩෝස් 7 නම් මයික්‍රොසොෆ්ට් එකෙන් දෙන "Microsoft Security Essentials" එකත් Install කරගන්න. ඒක හොඳ ආරක්ෂක මෙවලමක්. දැන් ඉතින් වැඩේ හරි. ඔය වැඩ ටික හරියට පිළිපදිනවනම් වයිරස් වලින් තියෙන කරදර 95 % ක්ම නැති කරගන්න පුළුවන්.
                   තවත් කරුණක් තමන්ගේ පරිගණකයට ඇතුලත් කරන වයිරස් ගාර්ඩ් එක තීරණය කරන්න ඕන තමන්ගේ පරිගණකයට ඒක සුදුසුද කියල බලලා. ඒ කිවේ සාමාන්‍ය අවස්ථා වලදීත් RAM එක ගොඩක් භාවිත කරන වයිරස් ගාර්ඩ් එකක් දානවනම් තමන්ගේ RAM එක ටිකක් වැඩිපුර තියෙන්න ඕන . අඩුම තරමින් 2 GB විතරවත්. එහෙම නැති උනොත් පරිගණකය වේගය ගොඩක් අඩු වෙන්න බලනවා. ඒ වගේම සමහර අය වයිරස් ගාර්ඩ් දෙකක් පාවිච්චි කරනවා. මේක වැරදි දෙයක්. ඒකෙන් ඉතාමත් බරපතල විදියට පරිගණකය වේගය අඩුවෙන්න පුළුවන්. අනෙක සාමාන්‍යයෙන් එහෙම දාන්නෙත් නෑ. ඉතින් මේ වගේ දේවල් වලින් වැළකෙන්න බලන්න.
            පරිගණකයේ වේගය අඩු වෙන්න පුළුවන් තව දෙයක් තමයි අනවශ්‍ය වැඩසටහන් අපි නොදැනුවත්වම පරිගණකය තුල ක්‍රියාත්මක වීම. මේක හේතු දෙකක් නිසා වෙන්න පුළුවන්. එකක් අපි දැනුවත්ව ඇතුලත් කරන වැඩසටහන්. ඒ වගේම අපි නොදැනුවත්ව ඇතුලත් වෙන වැඩසටහන්. මේවා හරියාකාරව හඳුනාගන්න අපිට පුළුවන් වෙන ඕන. එහෙම නැති උනොත් ලොකු අමාරුවක වැටෙන්නත් ඉඩ තියෙනවා. විශේෂයෙන් අපි නොදැනුවත්ව ඇතුලත් වෙන වැඩසටහන් වලින්. ඒවා නිසා සමහර විට පරිගණකයේ වේගය අඩු වෙනවා වගේම අපේ වටිනා වැදගත් තොරතුරු අනවශ්‍ය පුද්ගලයින් අතට පත් වෙන්නත් ඉඩ තියෙනවා. ඒ කියන්නේ අපේ ඊමේල් ලිපින , මුරපද වගේ ඒවා. ඒවා වෙන කෙනෙක් අතට පත් උනොත් වෙන දේවල් ගැන මම කියන්න ඕන නෑනේ. ගොඩක් වෙලාවට අපි සමහර සොෆ්ට්වෙයාර් ඉන්ස්ටෝල් කරනකොට අමතර සොෆ්ට්වෙයාර් නොමිලේ අපට දෙනවා. නමුත් අපිට ඒක නවත්වන්න පුළුවන්. ගොඩක් වෙලාවට ඒක Tool Bar එකක් එහෙම නැතිනම් Security Tool එකක්. අපි ළඟ ආරක්ෂාව තියෙන එකේ ඒ වගේ එකක් ආයෙත් දාගන්න ඕන නෑනේ. ඒවගෙන් ඇත්තටම වෙන්නේ ආරක්ෂාවට වැඩිය වෙළඳ දැන්වීම් ගොඩක් ඉබේම අපිට ලැබීමට සලස්වන එකයි. ඒ වෙළඳ දැන්වීම් හරහා පරිගණකයට හානිකර වැඩසටහන් පැමිණීමට ඇති ඉඩ කඩ බොහොම වැඩියි.
                  එහෙම අපිට ඕන නැති දේවල් ක්‍රියාත්මක වෙනවද කියලා බලාගන්නේ මෙහෙමයි. ඉස්සර වෙලාම Task Manager එකට යන්න ඕන. යතුරු පුවරුවේ Ctrl + Alt + Delete ඔබලා ඒකට යන්න පුළුවන්. ඊට පස්සේ ඔබන්න එකේ "Processes" කියන ටැබ් එක. ඒකේ පෙන්න තියෙනවා මේ වෙලාවේ ඔයාගේ පරිගණකයේ පිටතට නොපෙනී ක්‍රියාත්මක වෙන දේවල් මොනවද කියලා. ඒ වගේම ඒවාට වැය වෙන මතක ධාරිතාවයත්. මෙතනින් අනවශ්‍ය වැඩසටහන් නවත්වා දැමීමට අපිට හැකියාව තියෙනවා. 
එහෙම නවත්වනකොට ප්‍රවේශම් වෙන්න ඕන පරිගණකය ක්‍රියාත්මක වීමට අවශ්‍යම කරන ඒවා නවත්වන්න එපා. වැරදීමකින් හරි එහෙම උනොත් ඒකට බය වෙන්න එපා. සමහර විට පරිගණකය රිස්ටාර්ට් කරන්න ඕන කියයි එච්චරයි. එතැනදී බලාගන්න පුළුවන් සමහර වැඩසටහන් මතකය කොතරම් භාවිත කරනවද කියලා. ඒ වැඩසටහන් අතරින් අපි දැනුවත්ව ඇතුලත් කරපුවා, නැති ඒවා අපිට තෝරාගැනීමේ හැකියාව තියෙන්න ඕන. එහෙම අනවශ්‍ය දෙයක් වැඩිපුර මතකයක් ලබාගෙන ක්‍රියාත්මක වෙනවනම් වහාම එය නවත්වා දැමීමටත් පරිගණකයෙන් එය සම්පුර්ණයෙන් ඉවත් කිරීමටත් පියවර ගන්න. මාසයකට සැරයක්වත් මේ විදියට මේවා පරික්ෂා කිරීමට පුරුදු වෙනවනම් ඉතාමත් හොඳයි. 
             පරිගණකයේ වේගය වැඩි කරගැනීමට කළහැකි තවත් දේවල් තියෙනවා. එකක් තමයි Defragmentation. මේකත් මාසයකට සැරයක්වත් කරනවානම් ඉතාමත් හොඳ දෙයක්. ඒකෙන් වෙන්නේ අපි පරිගණකයේ තැන් තැන් වල තියෙන ෆයිල් පරිගණකයට ක්‍රියා කිරීමට පහසු ආකාරයට පිළිවෙලකට සකස් කිරීමයි. Defragment කරන්න ඕන කරන ඩ්‍රයිව් එක උඩ රයිට් ක්ලික් කරලා Properties වලට ගිහින් ඒකේ තියෙන Tools වලට ගියාම වැඩේ කරගන්න පුළුවන්.
             මිට අමතරව අන්තර්ජාලය සැරිසරන විට ගොඩක් වෙලාවට නොමිලේ දෙන වැඩසටහන් අපිට ලැබෙනවා. අත්‍යවශ්‍ය දෙයක් හැරෙන්න එහෙම ඒවාට අහුවෙන්න එපා. ඒවත් ගොඩක් වෙලාවට වෙළඳ රැවටීම් විතරයි. අන්තර්ජාලයෙන් තමයි අපි වැඩිපුරම ප්‍රවේශම් වෙන්න ඕන. හානිකර වැඩසටහන් වැඩිපුරම පරිගණකයට පැමිණෙන්නේ අන්තර්ජාලයෙන්. මොකද අන්තර්ජාලය කියන්නේ හොඳ දේවල් වගේම නරක දේවල් වලිනුත් පිරිච්ච තැනක්. ඉතින් අපි එතනින් හොඳ දේ පමණක් තෝරලා ගන්න දැනගන්න ඕන.
                 මම මේ කියල දුන්නේ අපි පරිගණකය භාවිතා කරනකොට සැලකිල්ලක් දක්වන්න අවශ්‍යම තැන් කීපයක්. ඒත් තවත් මේ වගේම සැලකිලිමත් වියයුතු තැන් ගොඩක් තියෙනවා. ඉදිරියට තවත් ඒ වගේ ඒවා බලාපොරොත්තුවෙන් ඉන්න. මේ ලිපියේ නොතේරුණු තැන් ඒ වගේම වැඩි දුරට දැනගතයුතු දේවල් ඇත්නම් කොමන්ට් එකක් දාන්න.